iriki atia

Otsail eta martxorako egitaraua

2012-02-09T12:33:00.003+01:00

Otsail eta martxorako prestatu dugun egitaraua duzue ondokoa. Animatu, eta etor zaitez, ederki pasako dugu eta!

Naturaren Argazkilariak
“Wildlife Photographer of the Year” naturari buruzko argazkigintza-lehiaketa garrantzitsu eta ezagunena da, mundu osoko milaka argazkilariren partaidetza erakartzen duen urteko gertakari nagusia baita alor honetan. Kutxako Boulevard aretoan ikusgai dagoen erakusketa iazko lehiaketan epaimahaiak saritu zituen 81 irudiek osatzen dute. Ikustaldi gidatua hitzartu dugu behean aipatutako datan.

Noiz: otsailaren 10ean, ostirala, 9:00etan.
Non: Boulevardeko kutxa aretoan.

(taldea elkartuz gero, ikustaldi gidatu gehiago hitzartzeko aukera dago.
Epea: otsailaren 29a)

Karakorumeko zamaketariak
Ander Izagirre kazetaria goi mailako mendizaleekin ibilia da Karakorumen. Bertan, “sherpek” mendizaleen arrakastan duten garrantziaren testigu izan da. Baina, zamaketariok esplotatuta daude? Ikusentzunezko parte hartzaile honetan horrelako galderei erantzungo diegu.

Noiz: otsailaren 15ean, asteazkena, 18:30ean.
Non: San Telmo museoan.

Barry Barrez
Bakarrizketa saioa egingo du Barry Manley irlandar euskaldunak, euskara ikasteko haren prozesuari eta "hizkuntzak ikasteko sistema bereziari" buruzkoa, hain zuzen, eta ondoren, ikusleen galderei erantzunez, solasaldia.

Noiz: otsailaren 17an, ostirala, 09:30ean.
Non: Amarako AEKn (Ordoñez kalean)
--
Noiz: martxoaren 22an, osteguna, 18:30ean.
Non: Irrintzi-AEKn

Sagardo etxera bisita
Astigarragako Sagardoetxean sagarrrondoen aldaketatik hasita sagardoa ekoizi arteko prozesua ezagutzeko aukera izango dugu. Gainera hamaiketakoa eskainiko digute: muztioa, sagardoa, sagar likorea eta bina pintxo dastatuko ditugu.
Autobusa goizeko 9etan irtengo da, Sagardoetxean 9:15erako egoteko.

Noiz: martxoaren 2an, ostirala.

Mihiluze jolasa
Ondo pasatzeko aukera izango duzu telebistako lehiaketa arrakastatsuan lagunartean jokatuta!

Noiz: martxoaren 23an, ostirala, 10:00etan.
Non: Antiguako AEKn

Karakorumeko zamaketariak Ernest Lluchen

2012-01-19T12:34:00.005+01:00

Ander Izagirre kazetaria goi mailako mendizaleekin ibilia da Karakorumen. Bertan, “sherpek” mendizaleen arrakastan duten garrantziaren testigu izan da. Baina, zamaketariok esplotatuta daude? Ikusentzunezko parte hartzaile honetan horrelako galderei erantzungo diegu.

Noiz: urtarrilaren 25ean, asteazkena, 10:00etan
Non: Amarako Ernest Lluch kultur-etxean

Mintzalaguna ekimena saritu dute

2011-12-19T14:39:00.003+01:00

Gipuzkoako Foru Aldundiak Mintzalaguna ekimena saritu du Anton Abadia sariarekin, eta zehazki, Bagera Donostiako Euskaltzaleen Elkartearen Mintzalaguna ekimenak jaso zuen joan zen ostiralean abenduaren 16an Foru Aldundiaren jauregian.
Anton Abadia sariak, 1996an sortua, euskararen normalizazioaren alde nabarmendutako pertsona eta elkarteen jarduna saritu nahi du. Aurten, hamalaugarren edizioan, Mintzalaguna ekimenak egindakoa.
ZORIONAK GUZTIEI!!!

Euskal mitologia saioak

2011-12-16T17:47:00.006+01:00

Atzo saio bana gidatu zuen Amaran eta Grosen Aritza Bergara mitologiazaleak.

Goiko argazkian Groseko parte hartzaileak ikusi ahal ditugu euskal mitologiako hainbat pertsonaiari buruz dakitenaz hitz egiten (nolakoak diren, non bizi diren, kondairak...), bai eta mitologiaren gaineko hainbat baieztapenen inguruan jarduten. Behekoan, berriz, Aritza aditua parte hartzaileek esandakoak osatzen eta beste zenbait azalpen ematen.

Eskerrik asko parte hartu dutenei!!! Eta Aritzari, jakina!!!

Abenduko iriki atia saioak

2011-12-07T12:00:00.005+01:00

Kaixo, denoi!!!

Ikasturte berriko lehen iriki atia saioekin gatozkizue. Gogoratu, hilero-hilero, ekaina bitarte saioetan parte hartzeko aukera izango duzuela, doan!!!

Hauexek dira abenduko saioak:

Himalayako zamaketariak
Ander Izagirre kazetaria goi mailako mendizaleekin ibilia da Himalayan. Bertan, “sherpek” mendizaleen arrakastan duten garrantziaren testigu izan da. Baina, zamaketariok esplotatuta daude? Ikusentzunezko parte hartzaile honetan horrelako galderei erantzungo diegu.

Noiz: abenduaren 13an, asteartea, 09:30ean
Non: Antiguako AEK euskaltegian

Euskal mitologia
Euskal Mitologiako pertsonaiarik esanguratsuenak ezagutzeaz gain, gure mitologiaren ezaugarri nagusien berri izango dugu Aritza Bergara adituaren eskutik.

Noiz: abenduaren 15ean, osteguna, 16:00etan
Non: Amarako AEK euskaltegian (Ordoñez kalean)
Eta
Noiz: abenduaren 15ean, osteguna, 18:30ean
Non: Groseko Irrintzi AEK euskaltegian

Arrantza erak
Arrantza egiteko dauden sistemak ezagutzeko aukera emango digu Untzi Museoko saio honek. Azalpenen osagarri, bideo bat ikusteaz gain, partehartzaileek eskulana egingo dute:
atunetarako "maluta" bat, hain zuzen.

Noiz: abenduaren 16an, ostirala, 10:00etan
Non: Untzi Museoan.

Mariscal. Bizipoza
Bartzelonako olinpiadetako Cobi maskotaren sortzaile izan zen Javier Mariscalen erakusketa bisitatu ondoren, birziklatutako materialarekin gune bat apaintzeko balioko diguten eskulturak egingo ditugu Kubo-Kutxa aretoan.

Noiz: abenduaren 23an, ostirala, 09:30ean
Non: Zurriolako Kubo-Kutxa aretoan

"Bidaiatzeko moduak" saioen kronika laburra

2011-06-23T16:32:00.008+02:00

Groseko Irrintzi-AEKn eta Okendo kultur etxean

“Bidaiatzeko moduak” diaporaman modu independientean bidaiatzeko arrazoiak eta abantailak komentatu genituen Mikel Arredondo bidaiariarekin egindako bi saiotan.

Bidaiatzeko modu batzuk (bizikleta, autobusak, furgonetak, trenak, itsasontziak autostop…) ere aurkeztu zituen, baita bakoitzaren aldekoak zein kontrakoak ere. Bidaiatzeko modu hauek Mikelek bidaietan egindako argazkiekin irudikatu zituen eta gertatutako hainbat istorio kontatu ere bai.

Bukatzeko, bidaiatzeko zer behar den eta nola lortu azaldu zuen: pasaportea, bisatuak, txertoak, hegazkin txartelak, bai eta non bilatu herrialdearen berri ere: janari, hizkuntza, musika, literatura…

Hau guztia parte hartzaileen galderak eta iruzkinak tartekatuz.

Udan ere mintzalaguna

2011-06-06T16:28:00.003+02:00

Udan ere mintzalagun taldeak osatuko ditu Bagera elkarteak, uztaila eta abuztuan.

Izen ematea jada zabalik dago, ekainaren 1etik 27ra izango da. Mintza taldeak ekainaren 30ean osatuko dituzte.

Hilabete bakoitza 30 euro izango da eta bi hilabeteetan parte hartuz gero, 50 euro.

Ikasturtean zehar aritu direnen kasuan, ordea, hilabete bakoitza 20 euro kostako da eta bi hilabeteak 30 euro.

Izena emateko aukerak:
- BAGERAn (Katalina Eleizegi 36, behea)
- 943467181 telefonoan
- www.mintzalagunabagera.wordpress.com
- Nahi izanez gero, ibilitako euskaltegiaren bidez

Eta euskaraz hitz egiten badakizu eta astean ordu beteko tartea baduzu, euskara ikasten ari direnei laguntzeko aukera duzu laguntzaile izanda. Prest bazaude, arestian aipatutako izena emateko aukerez baliatu.

Ekaineko iriki atia saioak

2011-06-02T11:39:00.009+02:00

Ikasturtearen azken txanpako saioak dituzue hauek:

Bidaiatzeko moduak (bi saio)
Mikel Arredondok bidaiari independientearen mundura eramango ditu, arrazoiak arrazoi, oraindik bere kontura bidaiatu ez duten pertsonak. Horretarako, bidaiatzeko modu desberdinak eta kontuan hartu beharreko gutxienekoak aurkeztuko ditu.

Noiz: ekainaren 14an, asteartea, 15:30ean.
Non: Groseko Irrintzi-AEK euskaltegian
eta
Noiz: ekainaren 14an, asteartea, 18:30ean.
Non: Groseko Okendo kultur etxean

Hitz eta pitz
Euskaltegiko hainbat ikastalde elkartuta, zenbait gai aurkeztu eta jorratuko dira taldetxotan: “Hiri hondakinekin zer egin?”, “Txakurrak hirian” eta “Babes ofizialeko etxebizitzak”. Taldetxoetako partaideak aldatuko dira gaiz gai. Ordubeteko saioa.

Noiz eta non: euskaltegiak erabakiko du.

Historiaren Etxera bisita gidatua
Urgull mendi gaineko talaia naturalean, Motako Gazteluan, Historiaren Etxeak “Donostiari begira” erakusketa du ikusgai. Erakusketa Donostiako historian zehar egindako ibilbidea da, sorrera unetik Zabalgunea egin eta hiria finkatu arte. Bide horretan, hiriaren ekonomia, hirigintza eta gizartearen garapena, bere festak eta tradizioak azaltzen ditu eta une historiko garrantzitsuenak azpimarratzen ditu.

Noiz: maiatzaren 26an, osteguna, 10:00etan
eta
Noiz: ekainaren 9an, 18:30ean

Eureka Zientzia Museora bisita gidatua. Bi jarduera:
Elektrizitate ikuskizuna: oinarrizko kontzeptu batzuk ezagututa elektrizitatea zer den ikasiko duzu. Tesla, Van der Graaf eta beste hainbat tresna erabiliko ditugu hainbat esperimentu egiteko. Ileak tentetuko zaizkizu!
Eta bi aukera: Planetariuma bisitatu edo museoa bera bisitatu.

Noiz: ekainaren 7an, asteartea, 10:00etan

Saharar errefuxiatuen kanpalekuetara bisita (bi saio)
Argeliako saharar errefuxiatuen kanpalekuetako hezkuntza bereziko eskoletan izan dira hiru euskaldun, besteak beste fisioterapeutak eta hezitzileak trebatzen.

Noiz: ekainaren 21ean asteartea, 09:30ean.
Non: Amarako AEK euskaltegian (Isabel II.ean)
eta
Noiz: ekainaren 22an asteazkena, 10:00etan.
Non: Antiguako AEK euskaltegian.

Donostiako Udalaren hizkuntza politikaren azterketaren ondorio gazi-gozoak, Kontseiluaren arabera

2011-05-11T16:34:00.004+02:00

Euskararen Gizarte Erakundeen Kontseiluak udaletan garatzen diren hizkuntza-politikak neurtu ditu, herritarrengan duten eragina handia delako. 2010ean 116 herritan egin da bigarren neurketa, ziklo politiko oso bat iragan denean, hain zuzen ere, eta honen bidez Euskal Herri osoan 2.410.450 biztanlerengan eragina duten hizkuntza-politiken azterketa jaso da.

Donostiako Udalari dagokionez, 4 urte hauetan hizkuntza-politikan aurrera egin dela adierazi dute Kontseiluko ordezkariek. "2006an 5,38ko nota izatetik 2010ean 6,46 izatera pasa da. Hiriburuen artean hizkuntza-politika egokiak definitzen dituen mailara iristeko gertuen dagoena da. Hobetzeko bidea badu oraindik, ordea. Nagusiki laguntza bidezko politika du eta hizkuntza-eskubideen bermerako erabaki mailako neurriak ez ditu maila berean garatzen. Bestalde, hizkuntzaren trataera kasurik onenean orekazkoa da eta ez da euskararen aldeko diskriminazio positiborik egiten. Bi ezaugarri nagusi hauetan aldaketak ematea da aurrera egiteko modua", adierazi du Indak. "Aurrerapauso handiena langile guztiak erabilera planetan sartzean ikus dezakegu, baita 0-3 urteko hezkuntza soilik euskaraz eskaintzean. Hizkuntza paisaian dezente aurrera daitekeela esan liteke eta ez dela egon joera koherenterik behatutako elementuen artean" gaineratu du.
Modu zehatzagoan, azpimarragarriak diren elementuak aurkeztu dira: "Ordenantza, plan orokorra eta euskara zerbiztua ditu. Langile guztiak erabilera planetan sartuak daude eta euskalduntzeko aukera eskaintzen zaio langileari. Herritarrekiko harreman zuzena duten azpikontratazioetan eta herritarren aholkularitzarako zerbitzu espezifikoetan hizkuntza-irizpideak dituzte. Merkataritzan euskara sustatzeko egitasmoa du abian eta merkatariei horri begirako laguntzak ematen zaizkie.". Halere, hobetu beharreko hutsuneak ere nabarmendu dira: "Langile kontratatu berri guztiak euskaldunak izan daitezen ez dago erabakirik. 20 udal ataletik soilik 2k lan egiten du euskaraz. Udalak diruz lagundutako talde eta entitateek errotulazioa euskaraz izan dezaten erabakirik ez da hartu. Udalak hizkuntza-paisaian eta komunikazioetan euskara erabiltzeko erabakia hartua badu ere, erdara hutsezko edo nagusiki erdaraz diren elementuak daude (obretako txartela eta zamaketakoak dira horren adibide). Ez da erabakirik hartu udalari aholkularitza juridiko eta teknikoa eskaintzen dioten enpresek txostenak ele bietan helarazteko. Praktika handieneko kirol eskaintzan helduek zailtasunak dituzte zerbiztua euskaraz jasotzeko", besteak beste. Honek guztiak donostiarren hizkuntza-eskubideak urratzeko bide ematen duela adierazi dute Kontseiluko ordezkariek eta bestelako hizkuntza-politika bat posible dela azpimarratu. Izan ere, Euskararen Gizarte Erakundeen Kontseiluak definitua du euskara normalizatzeko Hizkuntza-Politika Berri Eragingarria eta Paul Bilbaok bertaratutako ordezkari politiko eta sozialei eman die, elkarlanean aritzeko prestutasuna adieraztearekin batera.
Kontseiluak udalen hizkuntza-politikari lotuta egiten dituen proposamenak, datuak eta irakurketak http://www.udalenhizkuntzapolitika.org/ web gunean jaso dira.

Erabilera bultzatzea izango da Euskararen Donostiako Plan Orokor berriaren helburu nagusia

2011-05-10T15:03:00.002+02:00

Donostiako Udalak 2011-2015 aldirako Euskararen Donostiako Plan Orokorra onartu du. Bereziki euskararen ezagutza landu duen 2001-2010 aldirako plana ordezkatuko du onartu berri den planak eta ezagutzatik erabilerarako jausia egitea izango du helburu nagusia. Izan ere, 2006an donostiarren %40,4 ziren euskaldunak eta %26,6 ia euskaldunak baina Soziolinguistika klusterrak egindako azterketa baten arabera, euskararen kale erabilera %18,2koa zen. Erabilera sustatzeko hainbat lan esparru finkatu ditu Euskararen Plan Orokorrak: irakaskuntza, euskalduntze-alfabetatzea, familia, administrazioa, lan mundua, aisia, kirola, kulturgintza, komunikabideak, hizkuntza baliabideak eta corpusa, eta euskararen motibazioa eta sustapena.

Perfumeak eta lurrinak

2011-03-25T11:06:00.001+01:00

Maddalen Marzol andoaindar gazteak perfume eta lurrinei buruzko saioa eskaini zigun "Perfumeria Urbieta" lurrin dendan. Parte hartzaileak Bageraren Mintzalagun egitasmoko hainbat lagun eta AEK-ko zenbait ikasle izan ziren. Hemen klik eginda argazkiak ikusi ahal izango dituzue. Argazkietan ikusten den bezala, parte hartzaileak usain gozagarriz joan ziren etxera, hamaika lurrin probatuta.

Hemen azpian Maddalenek saioan azaldutako teoriaren laburpena duzue:

USAIMEN PIRAMIDEA

-Irteera: Lehendabizi usaitzen diren notak, 5-15 minuturen bat irauten dute (normalki zitrikoak, loreenak edo piperbeltza bezelako espeziaren bat).
-Bihotza: Ondoren datozen notak, 10 bat minutu igarota azaltzen dira eta 30-60 minutu artean irauten dute (loreenak, espeziak…)
-Hondoa: Lurrinaren oinarria. Gehien irauten duten notak eta lurrinari finkapena ematen diotenak. Hauen presentzia areagotu egiten da 60 minututik aurrera (vetiver-a, patxulia, anbarra, musketa, zedroa, larrua, banilla…).
•Badaude bilakaerarik ez duten lurrin linealak ere.

USAIMEN FAMILIAK

Hesperideak
Familia honetan dauden lurrin guztiak bergamota, limoia, laranja, mandarina eta arabisagarra bezelako zitrikoez daude osatuak bereziki, laranjondotik eratorritako (azahar-a, petit-grain, neroli-a…) osagaiekin batera. Lurrin hauek beraien freskotasun eta arintasunagatik nabarmentzen dira. Era hontakoak ziren lehenengo “Eau de Cologne”-ak.

Berdeak
Hosto eta belarren usaina edukitzen dute. Hala nola, huntza, albaka, pikondoaren hostoa… Gehienetan nota zitriko edo loreenez lagunduak izaten dira.

Loreena
Famili honetan, lore bakarraren usaina dutenetik asko nahasten dituztenetara aurki daitezke. Perfumegileek beraien sormenaren arabera ukitu berde, fruituenak edo espeziatuak eman ditzakete lurrinean. Bere usain naturalagatik, loreen nota, lurringintzan egon daitekeen garrantzitsuenetako bat da.

Orientalak
Lurrin orientalak, batzuetan anbar-atuak ere deituak, beraien epeltasun eta sentsualitatearengatik bereizten dira. Musketa, banilla eta egur bitxiak bezelako materialak dira aberastasuna ematen dietenak, eta askotan lore exotiko eta espeziaz lagunduak egoten dira.

Egurrenak
Egurtutako bihotzak izaera epel eta aberatsa ematen die, sandaloa eta patxulia bezelako notak gailentzen direnean, eta aldiz lehorragoak zedroa edo vetiver-aren presentziarekin

Martxoko egitaraua

2011-02-28T17:57:00.000+01:00

Azpian martxoko saioei buruzko informazioa duzue. Gogoratu saio irekiak direla, baina saioren batera joan nahi izanez gero, aurrez izena eman behar dela. Lasai ederrean etorri!

Mihiluze jolasa
Ondo pasatzeko aukera izango duzu telebistako lehiaketa arrakastatsuan jokatuz; eta sariren bat irabaz zenezake!

Noiz: martxoaren 4an, ostirala, 09:30ean
Non: Groseko Irrintzi AEK euskaltegian

Brasil (bi saio)
Uhaina Atxotegik bere lagunarekin Brasilgo ipar kostan eta Amazonian izandako bizipenak izango ditugu mintzagai, bidaian egindako argazkien laguntzaz.

Noiz: martxoaren 10ean, osteguna, 11:45ean
Non: Amarako AEK euskaltegian (Ordoñez kalean)
Eta
Noiz: martxoaren 17an, osteguna, 18:00etan
Non: Antiguako AEK euskaltegian

Lurrin eta perfumeak (hiru saio)
Maddalen Marzol andoaindarrak lurrin (usain gozo) eta perfumeei buruz hitz egingo digu saio teoriko-praktikoan, izan ere perfume laginak probatzeko aukera izango dugu eta nolakoak eta zein osagai dituzten azalduko digu.

Noiz: martxoaren 2an, asteazkena, 16:00etan
Non: Amarako AEK euskaltegian (Ordoñez kalean)
Eta
Noiz: martxoaren 9an, asteazkena, 10:00etan
Non: Antiguako AEK euskaltegian
Eta
Noiz: martxoaren 16an, asteazkena, 18:00etan
Non: “Perfumeria Urbieta” lurrin-dendan, Urbieta 14 kalean.

Donostiako Udalaren Hizkuntza Politika

2011-02-22T12:18:00.000+01:00

Azken lau urteetan asko hobetu da Donostiako Udalaren Hizkuntza Politika: 4,22 puntu izatetik 6,47ra igaro da, Kontseiluaren ikerketaren arabera. Irakurri gehiago...

Donostiako Korrika denda zabalik

2011-02-04T16:56:00.001+01:00

Atzoz geroztik, zabalik da Donostiako Korrika denda. Bihar, larunbata, hilak 6, arratsaldeko zazpietan irekiera ekitaldia egingo dugu, bertsolariak entzunez eta sagardoa dastatuz. Etor zaitezte!

ALDAMAR 1 Kalea.

ORDUTEGIA
Ostegunetan eta ostiraletan
17:00-20:00
Larunbatetan
10:30-13:30 eta 17:00-20:00

Otsaileko egitaraua

2011-01-31T16:02:00.000+01:00

Hona hemen iriki atiako otsaileko saioak:

Kontraindarkeriak
Emakumeenganako erasoei buruzko praka artistikoak izeneko erakusketari bisita egingo diogu Koldo Mitxelenan, gida baten laguntzaz.

Noiz: otsailaren 2an, asteazkena, 9:30ean
Non: Koldo Mitxelena kulturunean

Mihiluze jolasa (bi lekutan)
Ondo pasatzeko aukera izango duzu telebistako lehiaketa arrakastatsuan jokatuz; eta sariren bat irabaz zenezake!

Noiz: otsailaren 10ean, osteguna, 11:45ean
Non: Amarako AEK euskaltegian (Ordoñez kalean)
Eta
Noiz: otsailaren 23an, asteazkena, 10:00etan
Non: Antiguako AEK euskaltegian

Kalendula ukendua
Itziar Salegi sendabelarretan eta aromaterapian adituak Kalendula ukendua nola prestatzen den eta zertarako erabil dezakegun azalduko digu. Gainera, norberak egindako ukendua eramango du opari.

Noiz: otsailaren 15ean, asteartea, 18:00etan
Non: Itziarren Osasun Eskolan (Isabel II, 3)

Brasil
Uhaina Atxotegik bere lagunarekin Brasilgo ipar kostan eta Amazonian izandako bizipenak izango ditugu mintzagai, bidaian egindako argazkien laguntzaz.

Noiz: otsailaren 24an, osteguna, 15:30ean
Non: Groseko Irrintzi AEK euskaltegian

Gogoratu: parte hartu nahi izanez gero, aurretik izena eman beharra dago.

Zure zain gaude!

Palindromoak Markosen eskutik

2011-01-19T17:27:00.000+01:00

Markos Gimeno Vesga ermuarraren eskutik saio eder zein bitxiez gozatu ahal izan genuen atzo Grosen. Argazkiak ikusi nahi izanez gero, klikatu hemen.
Palindromoen ezaugarriez jardun genuen, hala nola, historiaz, esanahiaz, konposizioaz, eta abarrez.
Gainera, ariketa praktikoak ere burutu genituen, palindromoak osatuz. Ariketa gehiago egiteko aukera dago Markosek berak kudeatzen duen blogean, astelehenero palindromo ariketa bat zintzilikatzen baitu.
Eta palindromo txukunak osatuz gero, garaiz zaudete Arrasateko AED elkarteak antolatutako leihaketara aurkezteko. Animatu, sari politak baitaude!

Mendi eskultoreari egindako bisitaren berri

2011-01-17T17:56:00.000+01:00

Joan den ostiraleko Irutxuoko Hitzan bezperan Antxon Mendizabal Sanz "Mendi"ri egindako bisitaren berri eman dute. Irakurtzeko klik egin lotu ra honetan.

"Kalendula ukendua" saioko argazkiak

2010-12-22T17:48:00.000+01:00

Itziar Salegi sendabelarretan adituaren azalpenak entzun ondoren, nork bere kalendula ukendua prestatu zuen nor bere gaitzerako edo intereserako. Opari ederra olentzerotarako!!! Argazkiak ikusteko klik egin hemen.

Donostiako auzoetako kartelen erdiak baino gehiago ele bitan daude

2010-12-15T11:12:00.000+01:00

Irakurri hemen klik eginda Berriako artikulu hau.

Santo Tomas egunean korrika arropa salgai

2010-12-14T11:44:00.000+01:00

Irrintzi euskaltegiak arropa postua jarriko du Santo Tomas egunean, goiz eta arratsaldez, Groseko Txofre enparantzan.

Korrika laguntzaile kanpaina iragartzeko egindako prentsaurrean ateratako argazkiak ikusi ahal izango dituzu hemen klik eginda, zer nolako arropa dotorea jarriko dugun ikus dezazun, aurrerapen moduan.

Argazkiak ikusita, nabari da arropa jantzi genuenok modelo ez profesionalak eta erdipurdikoak ginela... baina arropak merezi du, benetan.

Arropaz gain, korrika laguntzaile egiteko aukera ere izango duzue, jakina.

Euskarak eta AEK-k zuen laguntza eskertuko du, berriz ere, 2011ko korrika, arrakastatsua izan dadin!

Abendu-urtarrileko egitaraua

2010-12-02T11:16:00.000+01:00

Kaixo, aspaldiko lagunak!

Hemen gara berriz ere beste egitarau mamitsu batekin. Gogoratu saio irekiak direla, eta doakoak!

Groenlandia kraskatzen (hiru saio)
Ander Izagirre kazetari eta bidaiariak Mikel Essery bidaia kontakizunen lehiaketa irabazi berri du Groenlandiako inuitei buruzko idatzi ederrarekin. Argazkiez lagundutako emanaldiak izango ditugu aipatu gaiaren inguruan.

Noiz: abenduaren 16an, osteguna, 9:30ean
Non: Amarako AEK euskaltegian (Ordoñez kalean)
Eta
Noiz: abenduaren 16an, osteguna, 18:00etan
Non: Antiguako AEK euskaltegian
Eta
Noiz: abenduaren 17an, ostirala, 9:30ean
Non: Antiguako AEK euskaltegian

Kalendula ukendua (bi saio)
Itziar Salegi sendabelarretan eta aromaterapian adituak Kalendula ukendua nola prestatzen den eta zertarako erabil dezakegun azalduko digu. Gainera, norberak egindako ukendua eramango du olentzerotako opari.

Noiz: abenduaren 14an, asteartea, 09:15ean
Non: Itziarren Osasun Eskolan (Isabel II, 3)
Eta
Noiz: abenduaren 14an, asteartea, 16:15ean
Non: Itziarren Osasun Eskolan (Isabel II, 3)

Palindromo tailerra (bi saio)
Markos Gimeno Vesga ermuarrak aurretik atzera eta atzetik aurrera berdin irakurtzen diren esaldiak, palindromoak, nola eraiki erakutsiko digu. Palindromoa da, adibidez, “Nik enara neraman amaren aranekin” esaldia.

Noiz: urtarrilaren 18an, asteartea, 15:30ean
Non: Groseko Irrintzi AEK euskaltegian
Eta
Noiz: urtarrilaren 18an, asteartea, 18:00etan
Non: Groseko Irrintzi AEK euskaltegian

Antxon Mendizabal Sanz artistari bisita

Grosen duen tailerrera bisitan joango gatzaizkio Antxon Mendizabal Sanz, eskultore, margolari eta tailagileari. Lanak ikusteaz gain, solasaldia izango dugu bere obraz nahiz artista ibilbideaz.

Noiz: urtarrilaren 13an, osteguna, 10:00etan
Non: Groseko Galtzara Nagusian duen tailerrean
Eta
Noiz: urtarrilaren 14an, ostirala, 10:00etan
Non: Groseko Galtzara Nagusian duen tailerrean

Saio irekiak DOAN!!
Izena aurrez eman behar da:Tel: 943 327611/607596112
donostia@aek.org http://www.irikiatia.blogspot.com/

ANIMATU!!!

Maiatz-ekaineko saioetako argazkiak

2010-06-22T18:16:00.000+02:00

Otsai-martxoko hainbat saiotako argazkiak ikusi ahal dituzue, lotura hauen gainean klikatuta: jolas kooperatiboak, argazkigintza eta Mendebaldeko Sahara.
Eskerrik asko eta zorionak parte hartzaile guztioi!
Euskara ikasi, eta erabili!!!

Maiatz-ekaineko egitaraua

2010-05-11T17:02:00.000+02:00

Saio irekiak DOAN!!

Izena aurrez eman behar da:Tel: 943 327611/607596112

donostia@aek.org http://www.irikiatia.blogspot.com/

ANIMATU!!!

Herri musikaren txokora bisita
Herri musika eta herri soinu-tresnak modu ulergarri eta entretenigarrian ezagutzeko aukera izango dugu Oiartzunen dagoen museoa gida baten laguntzaz bisitatuz.

Noiz: maiatzaren 21ean, ostirala, 09:00etan
Nondik irten: Victoria Eugenia partetik, ibai ondotik (Aizpurua autobusa)
Itzulera: 11:00k ingururako Donostian

Argazkigintza digitala (hiru lekutan)
Gorka Bravo argazkilariak kamera digitalarekin argazki hobeak ateratzeko trikimailuak erakutsiko dizkigu, baita ateratako argazkiak nola edertu eta txukundu ere.

1) Noiz: maiatzaren 27an, osteguna, 09:30ean
Non: Antiguako AEK euskaltegian

2)Noiz: ekainaren 1ean, asteartea, 12:00etan
Non: Amarako AEK euskaltegian (Osinaga)

3) Noiz: ekainaren 3an, osteguna, 18:00etan
Non: Groseko Irrintzi AEK euskaltegian

Baserria
Euskal Herriko baserriek mendez mende izandako bilakaera eta garapenaren berri emango digu Ainhoa Negeruela arkitektoak, bai eta bertako baserri adierazgarri batzuen ezaugarri eta berezitasunen gaineko jakingarriak ere.

Noiz: maiatzaren 28an, ostirala, 12:00etan
Non: Amarako AEK euskaltegian (Osinaga)

Sahara (lau saio hiru lekutan)
“Mundu bat” izeneko GKEko partaideekin saharar herriaren egoera mintzagai izango dugu.

1)Noiz: maiatzaren 25ean, asteartea, 15:00etan
Non: Groseko Irrintzi AEK euskaltegian

2)Noiz: ekainaren 1ean, asteartea, 18:0oetan
Non: Amarako AEK euskaltegian (Osinaga)

3)Noiz: ekainaren 8an, asteartea, 16:00etan eta 18:00etan saio bana
Non: Antiguako AEK euskaltegian

Artikutzara txangoa
Gida batek lagunduta Artikutzako bazterrak ezagutuko ditugu, hiru bat orduko ibilaldi samur eta gozagarri batean.

Noiz: ekainaren 5ean, larunbata, 08:30ean
Nondik: Victoria Eugenia paretik, ibai ondotik (Aizpurua autobusa)
Itzulera: 14:00etarako Donostian

Jolas kooperatiboak
Kometa elkarteko partaideek jolas edo jokoetako leihakortasuna kooperazio edo elkarlan bihurtzen erakutsiko digute saio teoriko-praktikoan.

Noiz: ekainaren 9an, asteazkena, 18:00etan
Non: Kometa elkartearen egoitzan (Bengoetxea 4, behea)

Otsail-martxoko hainbat saiotako argazki eta bideoak

2010-05-06T11:18:00.000+02:00

Otsai-martxoko hainbat saiotako argazkiak ikusi ahal dituzue, lotura hauen gainean klikatuta: Kalendula ukendua, Boliviako haur meatzariak eta matematika biluzik. Heldu den astean maiatz-ekaineko egitarauaren berri zehatza izango duzue.

Bestetik, ETBko "Gaur egun" albistegian Donostiako kaleetan dagoen natura ezagutzeko egindako irteeraren berri eman zutela esan behar dugu. Ez zuten, baina, iriki atia egitasmoa aipatu ere egin; lastima!

Martxoko egitaraua

2010-03-03T11:50:00.000+01:00

Gogoratu doako saio irekiak direla, izena aurrez eman behar dela, eta euskaldunzaharrak nahiz euskaldunberriak ongi etorriak direla!

Honatx martxoko saioak:

Matematika biluzik (bi lekutan)
Yosu Yurramendi matematika irakasleak bizitzaren eguneroko gai gehienak eredu matematiko batez jantzita ikus litezkeela erakutsiko digu. Eredua erantzi eta matematika biluzik agertzen da.
Noiz: martxoaren 4an, osteguna, 16:30ean
Non: Antiguako AEK euskaltegian
Eta
Noiz: martxoaren 11n, osteguna, 18:30ean
Non: Amarako AEK euskaltegian (Ordoñez kalean)

Boliviako haur meatzariak (bi lekutan)
Ikus-entzunezko honetan Boliviako haur meatzariek bizi duten esplotazioa erakutsiko digu Ander Izagirre kazetari donostiarrak.

Noiz: martxoaren 9an, asteartea, 18:30ean
Non: Groseko Irrintzi AEK euskaltegian
Eta
Noiz: martxoaren 17an, asteazkena, 18:30etan
Non: Antiguako AEK euskaltegian

Ilen kultibatu (Calendula) ukendua
Itziar Salegi sendabelarretan eta aromaterapian adituak Kalendula ukendua nola prestatzen den eta zertarako erabil dezakegun azalduko digu. Gainera, norberak egindako ukendua eramango du opari.

Noiz: martxoaren 12an, ostirala, 09:15ean
Non: Groseko Irrintzi AEK euskaltegian

Donostiako bioaniztasuna ezagutzeko irteera
Cristina Enean dagoen Ingurumen Baliabideen Etxearen eskutik Donostiako kaleetan aurki dezakegun bioaniztasunaren berri izateko aukera izango dugu Cristina Eneatik udaletxerainoko ibilaldian.

Noiz: martxoaren 26an, ostirala, 09:30ean
Non: Cristina Enea parkeko ate nagusitik aterata

Hitza egunkarian Groseko mihiluzeren berri!

2010-03-03T11:40:00.000+01:00

Bai ederki pasa genuela esames, potokume, eroglifiko eta mimika bezalako jolasekin!

2010eko otsaileko saioak

2010-02-01T17:54:00.000+01:00

Hementxe duzue egitaraua. Gogoratu saio irekiak direla, eta edozeinek eman dezakeela izena!

Mihiluze jolasa (bi lekutan)

Ondo pasatzeko aukera izango duzu telebistako lehiaketa arrakastatsuan jokatuz, eta sariren bat irabaz zenezake!

Noiz: otsailaren 9an, asteartea, 15:30ean
Non: Groseko Irrintzi AEK euskaltegian
Eta
Noiz: otsailaren 12an, ostirala, 09:30ean
Non: Amarako AEK euskaltegian (Isabel II.a kalean)

Hego Amerikan barrena tandem-ez (bi lekutan)

Besteak beste, Patagonia haizetsu eta hotzean, Brasileko hondartza biluztuetan eta Amazoniako oihan heze eta sargoritsuan bizitakoak kontatuko dizkigute Eneko Etxebarrietak eta Miyuki Okabek irudi ikusgarriez lagunduta.

Noiz: otsailaren 11n, osteguna, 09:30ean
Non: Groseko Irrintzi AEK euskaltegian
Eta
Noiz: otsailaren 11n, osteguna, 12:00etan
Non: Amarako AEK euskaltegian (Ordoñez kalean)

Donostia estralurtar batek ikusita

Jürgen Wolf TANDEM fundazioko kideak Donostia kanpotar batek nola ikusten duen azalduko digu hirian zeharreko bisita gidatu interaktiboan.

Noiz: otsailaren 19an, ostirala, 09:30ean
Non: Alderdi Ederreko zaldiko-maldikotik aterata

Ilen kultibatu (Calendula) ukendua

Itziar Salegi sendabelarretan eta aromaterapian adituak Kalendula ukendua nola prestatzen den eta zertarako erabil dezakegun azalduko digu. Gainera, norberak egindako ukendua eramango du opari.

Noiz: otsailaren 24an, asteazkena, 09:15ean
Non: Antiguako AEK euskaltegian

Saio irekiak DOAN!! Izena aurrez eman behar da:
Tel: 943 327611/607596112
donostia@aek.org http://www.irikiatia.blogspot.com/
ANIMATU!!!

2009ko abenduko hainbat saiotako argazkiak

2010-02-01T15:46:00.000+01:00

Neguko solstizioa eta Euskal Kantagintza Berria izeneko saioetako bina argazki dituzue ikusgai, dagozkien loturetan klik bana eginda.

09ko abenduko saioak

2009-11-24T16:38:00.000+01:00

Hementxe dituzue 2009ko abenduko “iriki atia” topalekuko saioak. Gogoratu edozeinek eman dezakeela izena. Animatu!!!

Mongolia (bi saio)
Uhaina Atxotegik bere lagunarekin Mongolian izandako bizipenak izango ditugu mintzagai, bidaian egindako argazkien laguntzaz.

Noiz: abenduaren 1ean, asteartea, 9:30ean
Non: Groseko Irrintzi AEK euskaltegian
Eta
Noiz: abenduaren 11n, ostirala, 09:30ean
Non: Amarako AEK euskaltegian (Ordoñez kalean)

Euskal Kantugintza Berria (bi saio)
Ez dok Amairutik hasita Negu Gorriak bitarteko kantagitzari errepasoa emango diogu, bai eta kantarik garrantzitsuenak abestu ere, Andoni Tolosa Morauren gitarrak lagunduta.

Noiz: abenduaren 2an, asteazkena, 16:00etan
Non: Antiguako AEK euskaltegian
Eta
Noiz: abenduaren 16an, asteazkena, 18:00etan
Non: Groseko Irrintzi AEK euskaltegian

Neguko solstizioa (bi saio)
Zer zen solstizioa? Zeintzuk ziren solstizioari lotutako Euskal Herriko errito, sinismen eta ohiturak? Zen gertatu zen kristau erlijioa zabaldu zenean? Aritza Bergara honelako galderei erantzuten saiatuko da, ilustrazioen proiekzioarekin osatuta.

Noiz: abenduaren 17an, osteguna, 15:300ean
Non: Groseko Irrintzi AEK euskaltegian
Eta
Noiz: abenduaren 17an, osteguna, 18:30ean
Non: Amarako AEK euskaltegian (Ordoñez kalean)

2009-09-08T11:44:00.000+02:00

Hirugarren hiruhileko saioetako argazki eta bideoak ikuste aldera, klik egin hementxe. Urrian 09-10 ikasturteko saioen berri izango duzue. Bien bitartean, ondo segi!

maiatz-ekaineko "iriki atia" topalekuko saio irekiak

2009-05-13T17:17:00.000+02:00

Saioz saioko txartelak ikusi nahi izanez gero, hemen klikatu.

Praileaitz aztarnategi eta haitzuloa (bi saio)
Aurkikuntza arkeologikoez gain, Praileaitzen beraren eta ingurunearen kontserbazioaz jardungo dugu Aranzadi zientzia elkarteko Sonia San Joserekin.
Noiz: maiatzaren 19an, 9:15etan
Non: Groseko Irrintzi-AEK euskaltegian
eta
Noiz: maiatzaren 20an, 18:00etan
Non: Antiguako AEK euskaltegian

Donostia, itsas hiria: Ibilbide historiko-literarioa
Itsasoari loturiko historia luzea dauka Donostiak: merkataritza, ontzigintza, arrantza... Ibilbide historiko-literarioa egingo dugu Donostiako moilan zehar. Ibilbidea Untzi Museoko erakusketa iraunkorra bisitatuz bukatuko dugu.
Noiz: maiatzaren 22an, 9:30ean
Non: Untzi museoan

Coaching-a (bi saio)
Pertsonei, eta pertsonez osatutako taldeei, aldaketa prozesuetan laguntzeko ikuspegi berri baten berri emango digu Nerea Redondo adituak. Zertarako bilatu kanpoan barruan daukazuna?
Noiz: maiatzaren 26an, 19:00etan
Non: Groseko Irrintzi-AEK euskaltegian
Eta
Noiz: ekainaren 2an, 9:30ean
Non: Intxaurrondoko AEK euskaltegian

Sukaldaritza saioa
Plater goxoak prestatuko ditugu Ibon sukaldariaren laguntzaz. Ondoren, prestatutakoa dastatu egingo dugu.
Noiz: maiatzaren 27an, 10:00etan
Non: Amara Berriko Ikasbide elkartean

Euskal soinu tresnak (bi saio)
Euskal soinu tresnak izango ditugu hizpide Juan Mari Urruzola adituaren eskutik : usteak, topikoak, bitxikeriak… Hainbaten soinuaz gozatzeko parada ere izango dugu.
Noiz: maiatzaren 28an, 9:30ean
Non: Antiguako AEK euskaltegian
Eta
Noiz: ekainaren 4an, 18:00etan
Non: Amarako AEK euskaltegian (Ordoñez kalean)

Ganbian barrena bizikletaz (bi saio)
Uhaina Atxotegik bere lagunarekin Ganbian zehar izandako bizipenak izango ditugu mintzagai, bidaian egindako argazkien laguntzaz.
Noiz: ekainaren 4an, 9:30ean
Non: Amarako AEK euskaltegian (Ordoñez kalean)
Eta
Noiz: ekainaren 9an, 15:30ean
Non: Groseko Irrintzi AEK euskaltegian

Ekainberrira (Zestoa) bisita
Ekainen erreplika bisitatu ezezik, Euskal Herriko labar-artearen erakusketa ere ikusiko dugu.
Noiz: ekainaren 6an. Autobusa goizeko 9etan abiatuko da.

Ekaineko solstizioa (bi saio)
Zer zen Solstizioa? Zeintzuk ziren solstizioari lotutako Euskal Herriko errito, sinismen eta ohiturak? Zen gertatu zen kristau erlijioa zabaldu zenean? Aritza Bergara honelako galderei erantzuten saiatuko da, ilustrazioen proiekzioarekin osatuta.
Noiz: ekainaren 11n, 16:00etan
Non: Amarako AEK euskaltegian (Isabel II kalean)
Eta
Noiz: ekainaren 11n, 18:ooetan
Non: Antiguako AEK euskaltegian

otsail-martxoko hainbat saiotako argazkiak

2009-04-06T16:40:00.000+02:00

Maiatz-ekaineko saioen berri eman artean, hemen dituzue aurreko saio batzuetako hainbat argazki:

Bertsolaritza saioa Amets Arzallusekin Intxaurrondon

Bertsolaritza saioa Grosen

Tai chi chuan saioa Juan Gorostidirekin

Euskal baserriei buruzko saioa

Otsail-martxoko saioak

2009-01-29T17:41:00.000+01:00

Kaldereroak
Juan Antonio Anterok, Groseko Kaldereroen sortzaileak, Kaldereroen berri emango digu, Okendo Kultur etxean dagoen erakusketak lagunduta.
Noiz: otsailaren 5ean, 10:00etan
Non: Groseko Okendo kultur etxean

Krisi finantzario-ekonomikoa
Egun bizi dugun krisiaren gakoak, denok ulertzeko moduan, emango dizkigu Joseba Barandiaran ekonomialariak, eta “Etxebizitzen prezioa jaitsi daiteke? Alokairuan bizitzea dirua botatzea da?” bezalako galderei buruzko iritzia emango digu.
Noiz: otsailaren 13an, 18:30ean
Non: Amarako AEK euskaltegian

Bertsolaritza (bi lekutan)
Bertsoen nondik-norakoak ezagutuko ditugu, Amets Arzallus hendaiarraren laguntzaz,
bai eta bertsoak osatu ere.
Noiz: otsailaren 18an, 18:00etan
Non: Groseko Irrintzi-AEK euskaltegian
eta
Noiz: otsailaren 19an, 09:30ean
Non: Intxaurrondoko AEK euskaltegian

Sagardoetxera bisita
Astigarragako Sagardoetxera bisita gidatua antolatu dugu. Museoa bisitatzeaz gain, sagardoa dastatuko dugu.
Noiz: otsailaren 27an, goizeko 9ak aldera irtengo gara autobusez, itzulera 11etan. Irteera lekuak aurrerago jakinaraziko ditugu.

Baserria (bi lekutan)
Euskal Herriko baserriek mendez mende izandako bilakaera eta garapenaren berri emango digu Ainhoa Negeruela arkitektoak, bai eta bertako baserri adierazgarri batzuen ezaugarri eta berezitasunen gaineko jakingarriak ere.
Noiz: martxoaren 5ean, 18:00etan
Non: Antiguako AEK euskaltegian
eta
Noiz: martxoaren 10ean, 09:00etan
Non: Amarako AEK euskaltegian

Tai-chia
Izaera martziala duen eta energetikoa deitzen dioten barne-ariketa gisa aurkeztuko digu tai-chia Juan Gorostidi irakasleak.
Noiz: martxoaren 6an, goizeko 9:00etan.
Non: Alde zaharreko Tai Chi Chuan eskolan.
Oharra: arropa arina eta erosoa eraman.

Mihiluze jolasa
Ondo pasatzeko aukera izango duzu telebistako lehiaketa arrakastatsuan jokatuz, eta sariren bat irabaz zenezake!
Noiz: martxoaren 12an, 10:00etan
Non: Intxaurrondoko AEK euskaltegian

Egindako saio batzuetako argazkiak

2009-01-15T18:01:00.000+01:00

Otsail-martxoan egingo ditugun saioak prestatzen ari gara. Bien bitartean, honatx abenduko hainbat saiotako argazkiak:

Euskal Kantagintza Berria

Blog sorkuntza

Euskal mitologia

Txan Magoaren emanaldia

abenduko ikastaroak

2008-12-02T16:41:00.000+01:00

Euskal Kantagintza Berria
Ez dok Hamairutik hasita Negu Gorriak bitarteko kantagitzari errepasoa emango diogu, bai eta kantarik garrantzitsuenak abestu ere, Andoni Tolosa Morauren gitarrak lagunduta.
Noiz: abenduaren 11n, 09:30ean
Non: Intxaurrondoko AEK euskaltegian

Euskal Mitologia
Euskal Mitologiako pertsonaiarik esanguratsuenak ezagutzeaz gain, gure mitologiaren ezaugarri nagusien berri izango dugu Aritza Bergara adituaren eskutik.
Noiz: abenduaren 11n, 18:00etan
Non: Antiguako AEK euskaltegian

Txan Magoaren magia
Txan Magoaren eskutik, ohiko magia saioaz gozatzeaz gain, hainbat magia truku ikasiko ditugu.
Noiz: abenduaren 18an, 18:00etan
Non: Amarako AEK euskaltegian

Blogen sorkuntza
Nork bere bloga sortuko du. Horretarako, blogaren kontzeptu orokorrak ezagutu eta blogak sortzeko hainbat tresna erabiltzen ikasiko dugu, Gorka Julio Informatikan Ingeniari Teknikoaren eskutik.
Noiz: abenduaren 18an, 9:00etatik 13:00etara
Non: Antiguako Lugaritz kultur etxean Marketeria tailerra
Zerrak lagunduta irudiak egingo ditugu okume egurrean, eta margotutakoan Olentzerotan oparitzeko moduko opariak izango ditugu, Antxon Mendizabal Mendi artistaren laguntzarekin.
Noiz: abenduaren 16tik 19ra, 11:30etik 13:00etara
Non: Mendiren tailerrean, Grosen

Izena ematea

AEKren euskaltegietan bertan.

telefonoz 943. 327.611

epostaz (donostia@aek.org)

Parte hartzea mugatua da. Behin ikastaro baterako erreserba eginda, ikastaro eguna baino gutxienez bost egun lehenago konfirmatuko zaizu parte hartzeko aukera. Baieztatutako parte hartzaileen artean bazaude, 20€ko fidantza utzi beharko duzu ikastaro eguna baino gutxienez bi egun lehenago. Gordailua ikastarora joandakoan itzuliko zaizu.

zergatik Portaleta?

2008-12-01T20:30:00.000+01:00

Iriki atiaren ikurra edo logoa Portaleta da. Portaleta, Donostiako harresiaren parte da, itsasorako pasabidea, hain zuzen. Dokumentatuta dauden beste izenak: Portaletas eta Puerta del Mar (euskaraz, itsas atea).

Aterik gabeko pasabidea da Portaleta. Geuk ikurtzat hartu dugu, eta bere bitartez euskaltegiaren eta kalearen arteko aterik gabeko pasabidea irudikatu nahi dugu: euskara ikasleak eta donostiar euskaldunak harremanetan jarriko dituen topalekua.

zer da iriki atia egitasmoa?

2008-11-26T10:34:00.000+01:00

Donostiako AEK-k doan izango diren hainbat ikastaro, tailer eta saio monografiko antolatuko ditu 08/09 ikasturtean. Ikastaro bakoitzean 15-20 lagunek hartuko dute parte; batez beste, bi heren euskara ikasleak izango dira eta beste herena hiriko euskaldunak. Ikastarook hiru sailetakoak izango dira:
• Jakintza-gai orokorrei buruzkoak (osasuna, musika, informatika, ekologia, eskulanak...)
• Euskal Herriko kulturari buruzkoak; batez ere, Donostiako historia eta kulturaren ingurukoak.
• Euskararen sakontze ikastaroak (bertsolaritza, euskalkia...)

Iraupen malgua izango dute, ikastaroaren ezaugarrien baitan: egun bakarrekoak, bi, hiru egunekoak edo aste osokoak. Izaera parte hartzailea izango dute: saioak didaktizatu egingo dira, ikasleen parte hartzea bermatze aldera.

Gai-emaileak beharrezko materiala eta ezagutza jarriko ditu, eta dinamizatzaileak, beharrezkoa
denean, irakasle lanak egingo ditu, alegia, saioa bideratuko du, gai-emailearekin adostutako metodologia eta prozeduren baitan.