2017/12/20

Abendu-urtarrileko iriki atia saioak


 Kaixo, lagunok!

Abenduan Ander Izagirre kazetariak lau saio eskaini dizkigu berriki saritu dioten liburu batean oinarrituta: "Potosi". Euskadi literatura saria irabazi du erderazko entsegu arloan liburu horrekin.
Anderrek bi bidaia egin ditu Boliviara hango meatzarien bizimodu gogorra ezagutzeko asmotan, bereziki haur meatzariena. Bigarren bidaian emakumeek bizi duten ezkutuko errealitate gordinean jarri du arreta: sexu erasoak, tratu txarrak... Bertako hedabideek, eta orain arte idatzi den guztiak, meatzarien esplotazio eta lan baldintza eskasei buruz dihardute; emakumeek jasan behar izaten dutena, ordea, ez da inon ageri, ez da existitzen.

 Ander izagirreren emanaldia Groseko Zuhaizti ikastetxean. 25-30 lagun elkartu ginen.

Urtarrilean, berriz, ondoko saioak izango ditugu:

PALOMA NAVARES Argiztapenak 1977-2017
Lau hamarkadetan zehar, argia izan da elementu garrantzitsuena multimediaren arloan diharduen Paloma Navares artistaren lanean. Paloma Navaresek instalazioen arteari hurbiltzeko aukera eskaintzen digu. Atera kanpora zure sortzeko gaitasuna lantegi honetan, eta eraiki argi-kutxa sinple bat potoekin eta led argiekin.

Kubokutxa aretoan: bisita gidatua eta tailerra
Urtarrilaren 18an, osteguna, 18:00etan


MADAGASKAR
2016ko abuztuan Afrikako irla handi honetara egindako bidaia hizpide izango dugu Josune Otxotorenak eta Koro Mitxelenak prestatutako diaporamaren bitartez.

Urtarrilaren 16an, asteartea, 18:30ean, Antiguako AEKn
Urtarrilaren 17an, asteazkena, 09:30ean, Antiguako AEKn
Urtarrilaren 24an, asteazkena, 09:30ean, Groseko Zuhaizti ikastetxean

Animatu eta etorri!!!

2017/06/15

"Ingurumena amilka, Lurra intzirika"






Goiburuko esloganak irabazi du V. Euslogan Lehiaketa, Marijo Esnaola bidaniarrak bidalia. Zorionak, Marijo!

Bigarren eta hirugarren, hurrenez hurren, ondoko eslogan hauek gelditu dira:

"Haizea, lurra eta ura, geure ardura" eta "Maitatu natura zurea baita onura"

Eskerrik asko parte hartzaile guztiei, eta hurren arte!

2017/06/12

Ingurumena zaintzearen aldeko esloganak

Mila esker parte hartu duzuen guztioi, eta adi egon, ostiralerako izango baitugu irabazlearen berri. Jasotako hogeita hamaika esloganen zerrenda duzue jarraian:

 Ama lurra zaindu, etorkizuna landu

Arduraz ekin ama lurrarekin

Arduraren urratsa, lurramaren arnasa

Ardura eta natura, beharrezko batura

Zaindu ingurumena, gure altxorrik preziatuena


Ingurumenaren mina, kea eta zikina


Lurra bero bero, ingurumena hondatuz gero


Lurra arnasetuka ingurumena kaltetuta


Nolako ingurumena, halako osasuna


Zaindu ingurumena, osasunerako onena


Ingurumena amilka, lurra intzirika


Baduzu ingurukoez pentsatzeko ahalmena: zaindu ingurumena.

Baduzu ingurukoen ongizatea areagotzeko ahalmena: zaindu ingurumena.

Garbi esanda, lurra garbiagoa merezi dute ondorengoek.

Garbi esanda, garbi jokatu ondorengoekin.

Garbi esanda, izan garbia lurrarekin.

Ingurumena babestea da guztiok irabaztea

Ingurumena zaintzea da natura maitatzea

Maitatu natura, zurea baita onura

Arnas garbia nahi baduzu, Planetaren birika zaindu behar duzu

Lurra, Itsasoa eta Haizea, zaindu zure bizitza bezela

Gozatu, jolastu Natura berdearekin eta kolorea eman bizitzari

Lur garbia ereiten baduzu, berdeaz goza dezakezu

Ingurumena zaindu, gero nahi baduzu gozatu

Ingurumena zaindu, ez baduzu nahi gaixotu

Bizikleta eta birziklatze gehiago!

Haizea, lurra eta ura, geure ardura


Kutsadura ez da onura

Natura mila kolore, elikadura mila zapore.


Natura zaindu ezazu, eguneroko lana, gogoratu!


Ingurunean giro txarrik nahi ez baduzu, zintzo jokatu, badakizu.

2017/05/19

V. Euslogan lehiaketa



Mahala baserriko produktu naturalez betetako saski ederra irabazi!


Ingurumena zaindu eta saria eskuratu!

 
Donostiako AEK-k euskarazko eslogan lehiaketa antolatu du euskara ikasle zein euskaldun ororentzat.

Euskarazko sormena lantzea du helburu; izan ere, erdaraz pentsatutako goiburu edo esloganak nagusi baitira egun publizitate arloan.

Lehiaketa honetan,
ingurumena zaintzearen aldeko esloganak osatu beharko dira.

Zer da eslogana edo slogana?
Jendearen arreta piztu eta erakartzeko esaldi laburra. Produktu edo ideia bati buruz pertsonek duten jarrera aldatu edo finkatzea du helburu.

I. lehiaketan euskararen erabilera bultzatzeko leloak asmatu behar ziren, eta ondoko
honek irabazi zuen: “Euskararen giltza, elkarrekin mintza, ”. Bigarrenean, berriz, bertako produktuen kontsumoa sustatu nahi genuen, eta irabazleek hauxe sortu zuten: “Nahi baduzu gozatu, hemengo produktuak dastatu”.
III. lehiaketan landaturismoa sustatzea zen gaia eta "Ahokada bat haize, landetxean aise" esloganak irabazi zuen. Joan den urtean kirola zen sustatu beharrekoa eta hoberena hauxe: “Mugi, bizi, goza; kirola bizi-poza"



OINARRIAK:
1.- 2017ko maiatzaren 22tik ekainaren 11ra egongo da zabalik lehiaketan parte hartzeko epea, eta nahi adina eslogan bidali ahal izango dira.
2.- Esloganak euskara hutsean izango dira.
3.- Esloganek jatorrizkoak eta inon argitaratu gabeak izan behar dute.
4.- Gaia: esloganak
ingurumena zaintzea sustatuko du.
5.- Esloganak honako helbidera bidali behar dira: donostia@aek.
eus honako datuak erantsiz: izen-abizenak, herria eta harremanetarako telefono zenbaki bat.
6.- AEKren Donostiako euskaltegietako
arduradunek eta AEK-ko komunikazio arduradunek osatuko dute epaimahaia. Epaia ekainaren 16an jakinaraziko dugu www.irikiatia.blogspot.com orriaren bitartez, eta apelaezina izango da.
7.- Saria:
Mahala baserriko produktu naturalez osatutako saskia.
8.- Parte hartzaileek AEKri uzten diote, esklusiban, esloganak erabiltzeko eskubidea.
9.- Lehiaketa honetan parte hartzeak berez dakar oinarrion erabateko onespena.

 

2017/02/08

Bagerako iriki atia saioak

Gaur Bageraren egoitzan (Hernani kalea, 15) iriki atia programaren saioa edukiko dugu. Josu Iztueta bidaiariak Nairobitarraren, bere garaian egitasmo aitzindaria izan zenaren berri emango digu arratsaldeko 18:00etan hasita.

Azpian datozen hilabeteetako egitaraua. On egin!